Папа рымскі папрасіў прабачэння за тое, што ўдарыў жанчыну ВІДЭА
Папа рымскі Францішак 1 студзеня папрасіў прабачэння за тое, што не стрымаўся і злёгку ўдарыў жанчыну, якая схапіла яго за руку на плошчы Святога Пятра.
«Усім нам не раз даводзілася губляць цярпенне. Гэта здараецца і са мной. Прашу прабачэння за дрэнны прыклад, які падаў напярэдадні», — заявіў ён.
На відэа інцыдэнту відаць, як папа праходзіць міма вернікаў, якія стаяць на плошчы за загародай, вітае іх і цісне некаторым рукі. Адна жанчына рэзка схапіла яго за руку, калі ён пачаў адыходзіць у бок, і прыцягнула яго назад да загароды. Ён паспрабаваў вырвацца, яна працягвала яго трымаць, тады ён злёгку ўдарыў яе па руцэ і адчытаў.