«Гэта нармальна?»: Трамп рэзка раскрытыкаваў перамогу «Паразітаў» на «Оскары»
Прэзідэнт ЗША Дональд Трамп пракаментаваў уручэнне галоўнага прыза «Оскар» фільму паўднёвакарэйскага рэжысёра Пон Чжун Хо «Паразіты». Пра гэта паведамляе Fox News.
Кіраўнік Белага дома раскрытыкаваў перамогу Паўднёвай Карэі ў намінацыі «найлепшы фільм». Адпаведную заяву ён зрабіў падчас мітынгу ў штаце Каларада.
«У нас дастаткова праблем з Паўднёвай Карэяй у гандлі, і тут яны даюць ім прыз за найлепшае кіно года. Гэта нармальна? <…> Такое наогул было раней?» — заявіў Трамп.
Ён таксама назваў такое рашэнне кінаакадэміі «жудаснай узнагародай».