У Льва Лешчанкі пацвердзілі каранавірус
Фота Наталлі Мушчынкінай
Галоўны доктар бальніцы ў Камунарцы (Масква) Дзяніс Працэнка пацвердзіў, што ў расійскага спевака Льва Лешчанкі дыягнаставаны каранавірус. Пра гэта ён напісаў на старонцы ў фэйсбуку.
«На сёння стан пацыента стабільны, і ён не мае патрэбы ў дадатковым кіслародзе, і мы плануем працягнуць яго лячэнне ў шпітальным аддзяленні», — напісаў Працэнка.
Напярэдадні стала вядома, што народнага артыста РСФСР перавялі ў рэанімацыю бальніцы для заражаных каранавірусам у Камунарцы. Паведамлялася, што Лешчанка пачаў задыхацца, у яго знізіўся працэнт кіслароду ў крыві, піша lenta.ru.
Гумарыст Уладзімір Вінакур распавядаў журналістам, што артыста шпіталізавалі з-за двухбаковага запалення лёгкіх. Лешчанка і яго жонка Ірына трапілі ў лякарню з падазрэннем на каранавірус 24 сакавіка.