Меркель паслабляе каранцін, але толькі трошкі. Лічба заражэнняў два тыдні як зніжаецца
Лідар Нямеччыны Ангела Меркель абвясціла пра частковае зняцце каранцінных абмежаванняў, уведзеных у сувязі з пандэміяй каранавіруса, паведамляе Reuters.
З наступнага тыдня праца непрадуктовых крамаў будзе адноўлена, але правілы сацыяльнага дыстанцыявання будуць дзейнічаць сама меней да 3 мая.
Школы па ўсёй краіне пачнуць адкрывацца паступова з 4 мая.
Урад рэкамендаваў грамадзянам насіць ахоўныя маскі ў крамах і ў грамадскім транспарце.
Такія рашэнні былі прынятыя з улікам таго, што колькасць інфікаваных у Нямеччыне вось ужо два тыдні паслядоўна зніжаецца.