Пад Слуцкам п'яная жанчына вырашыла ў заклад пераплысці вадаём. Не атрымалася
Пад Слуцкам у чацвер, 11 чэрвеня, патанула жанчына, піша «Інфа-Кур'ер».
Вядома, што яна выпівала ў кампаніі. У нейкі момант 26-гадовая жанчына ў заклад вырашыла пераплысці пажарны вадаём. Каля 17-й гадзіны ў міліцыю патэлефанаваў мужчына і паведаміў пра здарэнне: ягоная знаёмая патанула.
На беразе знайшлі яе асабістыя рэчы і вопратку.
Цела жанчыны знойдзена сёння.