Масквіч загінуў, калі хацеў павесіць партрэт Сталіна на сцяну ў пад'ездзе
У адным з жылых дамоў у Маскве 64-гадовы пенсіянер вырашыў упрыгожыць свой пад'езд партрэтам Сталіна. Мужчына ўзяў драбіны, малаток і накіраваўся майстраваць на лесвічную клетку. Калі ён ужо амаль закончыў справу і стаў вешаць партрэт на цвік, то выпадкова спатыкнуўся, страціў раўнавагу і плазам упаў з драбін уніз. Мужчына атрымаў сур'ёзныя траўмы галавы і быў шпіталізаваны, паведамляе kp.ru.
Мужчыну даставілі ў рэанімацыю з сур'ёзнымі траўмамі галавы. Дактары некалькі тыдняў змагаліся за жыццё мужчыны, аднак выратаваць яго так і не ўдалося.
Перад смерцю мужчына паспеў расказаць сваёй сястры абставіны, пры якіх ён атрымаў такія цяжкія траўмы.