Майк Пампеа: У Беларусі прайшлі несправядлівыя выбары
ЗША маюць вялікія асцярогі за лёс Беларусі пасля выбараў 9 жніўня. Пра гэта заявіў на прэс-канферэнцыі ў Празе дзяржсакратар ЗША Майк Пампеа.
«Там прайшлі несправядлівыя выбары. Беларусы знаходзяцца ў нашым сэрцы. Мы назіралі за пратэстамі і патрабавалі [ад беларускіх уладаў], каб дэманстранты былі абаронены ад нападаў сілавікоў. Мы працягнем гэта патрабаваць і далей».
Паводле яго слоў, ЗША працягнуць аказваць падтрымку дэмакратычным сілам у Беларусі.