Камісія Сейма Латвіі ўхваліла заяву аб непрызнанні Лукашэнкі прэзідэнтам Беларусі
30.09.2020 / 14:21
«Латвія не прызнае апублікаваныя беларускімі ўладамі вынікі выбараў і звяртае ўвагу на тое, што мандат, заснаваны на гэтых выніках, не можа лічыцца атрыманым дэмакратычным шляхам і легітымным», — гаворыцца ў дакуменце, які быў распрацаваны пасля інаўгурацыі Лукашэнкі, піша «Радыё Свабода».
У падрыхтаваным у супрацоўніцтве з МЗС Латвіі праекце заявы таксама рашуча асуджаюцца дзеянні ўладаў Беларусі супраць дэманстрантаў і неабгрунтаваны пераслед пратэстоўцаў, журналістаў і іншых прадстаўнікоў грамадскасці падчас масавых пратэстаў.
Чакаецца, што Сейм разгледзіць дакумент на сваім пазачарговым пасяджэнні 1 кастрычніка.