Жыхар Віцебска пайшоў выносіць смецце — і праляцеў два паверхі
Здарэнне адбылося каля апоўначы 3 снежня ў доме па вуліцы Ленінградскай, паведамляе 112.by.
Хлопец пайшоў выносіць смецце на дзявятым паверсе, убачыў, што смеццеправод забіты, вырашыў нагамі ліквідаваць затор і ўпаў, даляцеўшы да сёмага паверха.
Там ён захрас, сам выбрацца не змог. Прыехалі ратавальнікі і дасталі хлопца.
Яго агледзелі дактары, з маладым чалавекам усё ў парадку.