У Ваўкавыскім раёне ратавальнікі 20 хвілін выцягвалі з палонкі карову — і выцягнулі ВІДЭА
Здарэнне адбылося ў панядзелак у Вярэйках, паведамляе 112.by.
Статак быў на выгане і пайшоў да ракі папіць вады. Адна карова выйшла на лёд і правалілася. Мясцовыя цягам паўгадзіны спрабавалі выцягнуць жывёлу, але беспаспяхова.
112.by
Байцы МНС, якія прыбылі да месца здарэння, зрэзалі металічную агароджу на мосце каля вадаёма, абвязалі карову вяроўкамі і пры дапамозе лябёдкі на аўтацыстэрне выцягнулі на бераг. Выратавальная аперацыя заняла дваццаць хвілін.
Жывёла не пацярпела, а праз некаторы час сваімі нагамі ў суправаджэнні гаспадыні накіравалася дадому.
112.by