У мінскім заапарку ўпершыню вылупіліся 15 змей
Гэта дзеці полаза Байрда, і мінчане могуць набыць сабе такога гадаванца, паведамляе заапарк.
Гэтая змяя распаўсюджаная ў паўднёва-заходнім Тэхасе і некаторых частках паўночна-ўсходняй Мексікі, засяляе пераважна камяністыя лясістыя каньёны і лясныя нагор'і.
У полаза чатыры паласы: дзве цягнуцца па спіне, дзве — па баках цела.
У заапарку можна набыць такую змяю. Падрабязнасці раскажуць па тэлефоне (017) 378-77-81.