У Чыжоўцы рыбак праваліўся пад лёд
Здарэнне адбылося ў панядзелак у раёне вуліцы Карзюкі каля 14:15.
Калі ратавальнікі прыбылі да месца выкліку, у 20 метрах ад берага знаходзіўся чалавек. Два выратавальнікі ў гідракасцюмах падплылі да мужчыны і ўтрымлівалі яго, пакуль да яго транспартавалі выратавальную дошку, паведамляе 112.by.
У 14.30 мужчыну даставілі на бераг і перадалі медыкам. Пасля агляду работнікамі хуткай медыцынскай дапамогі пацярпелага шпіталізавалі з агульным пераахаладжэннем.