За Палацам Рэспублікі зробяць музычную тэрасу
Летняе кафэ з тэрасай ля Палаца Рэспублікі з боку вуліцы Інтэрнацыянальнай сёлета будзе музычным.
Пра гэта Мінск-Навінам распавёў дырэктар Палаца Рэспублікі Максім Прыхадоўскі.
— У гэтым сезоне тэраса будзе музычная, разглядаем як варыянт арганізацыі джазавых вечароў, так і фармат свабоднага фартэпіяна для гасцей — адзначыў Максім Прыхадоўскі.
Тэраса, нягледзячы на пандэмію, адкрылася ля Палаца Рэспублікі ў чэрвені мінулага года. На адкрыцці выступаў Прэзідэнцкі аркестр. Усё лета госці маглі не толькі перакусіць у самым цэнтры горада, але і назіраць за спартыўнымі спаборніцтвамі падчас тэлетрансляцый.