Беларусь і Расія дамовіліся аб стварэнні трох навучальна-баявых цэнтраў падрыхтоўкі войскаў
Міністэрства абароны Беларусі і Расіі дамовіліся аб стварэнні трох навучальна-баявых цэнтраў сумеснай падрыхтоўкі. Пра гэта 16 сакавіка паведаміў тэлеграм-канал беларускага ведамства.
mil.by
У Беларусі плануецца стварыць цэнтр падрыхтоўкі ВПС і войскаў СПА. Там будуць рыхтаваць экіпажы Су-30СМ і навучаць беларускіх спецыялістаў працы на зенітных ракетных комплексах, якія стаяць на ўзбраенні Расіі.
У Расіі плануецца стварыць навучальна-баявы цэнтр сумеснай падрыхтоўкі сухапутных войскаў.
Акрамя таго, ідзе гаворка аб фармаванні ў Калінінградскай вобласці цэнтра на базе Балтыйскага флоту.
«Гэты кірунак дасць магчымасць рыхтаваць беларускія падраздзяленні на базе вайсковых частак марской пяхоты Расійскай Федэрацыі, аснашчаных БТР82А. Таксама цэнтр дазволіць выкарыстоўваць сучасную матэрыяльную базу для вадалазнай падрыхтоўкі беларускіх спецыялістаў».