Авіярэйса з Екацярынбурга ў Мінск пакуль не будзе
Авіякампанія «Уральскія авіялініі» адмяніла адкрыццё палётнай праграмы з Екацярынбурга ў Мінск з-за недастатковага попыту, паведамляе «Інтэрфакс».
«Магчыма, вернемся да гэтага пытання пазней, пасля зняцця ўсіх пандэмійных абмежаванняў», — адзначыў прадстаўнік «Уральскіх авіяліній».
Першапачаткова кампанія планавала прыступіць да выканання рэйсаў па гэтым маршруце з 11 лютага з перыядычнасцю раз на тыдзень, але затым на фоне нізкага попыту перанесла дату пачатку палётаў на 4 сакавіка.
Па маршруце Екацярынбург — Мінск «Уральскія авіялініі» раней палёты не ажыццяўлялі.
«Уральскія авіялініі» ўваходзяць у топ-5 расійскіх авіякампаній.