Апошні званок у гэтым годзе пройдзе 29 мая, выпускныя — 10 чэрвеня
Апошні званок у школах сёлета празвініць 29 мая (субота), а 10 чэрвеня для выпускнікоў рэкамендуюць правесці выпускныя вечары.
Фота Надзеі Бужан
Пра гэта паведамляе Мінадукацыі.
Гэтай вясной навучальны год у школьнікаў скончыцца 31 мая, а 29-га дзяцей чакае апошні званок.
Выпускнікоў 9 і 11 класаў чакаюць іспыты.
Выпускнікі 9 класаў будуць здаваць рускую, беларускую і матэматыку. Выпрабаванні пройдуць 2, 4 і 8 чэрвеня.
11-класнікаў чакаюць два пісьмовыя іспыты: руская або беларуская мова на выбар і матэматыка. Яны прызначаныя на 1, 3 і 7 чэрвеня. Акрамя таго, дзеці будуць здаваць два вусныя экзамены — па замежнай мове і гісторыі Беларусі.
Што ж тычыцца выпускных, то іх рэкамендуюць правесці 10 чэрвеня.
16 чэрвеня пачнецца ЦТ.