Віктар Ганчарэнка ўзначаліў «Краснадар»
6.04.2021 / 12:50
Былы галоўны трэнер ЦСКА Віктар Ганчарэнка ўзначаліў «Краснадар». Беларускі спецыяліст заключыў з «быкамі» кантракт да чэрвеня 2023 года.
ФК «Краснадар»
У «Краснадары» Ганчарэнка змяніў Мурада Мусаева, які сышоў у адстаўку 4 красавіка пасля паразы ад «Ахмата» (0:5) у 24-м туры РПЛ.
Каманда ў 2021 годзе атрымала ўсяго адну перамогу ў васьмі матчах ва ўсіх турнірах, пацярпеўшы шэсць паражэнняў. У турнірнай табліцы чэмпіянату Расіі «Краснадар» ідзе на 10-м месцы, набраўшы 34 ачкі ў 24 турах.