За каментар пра Караева мінчука асудзілі да чатырох гадоў хатняй хіміі і прымусовага лячэння
Дзмітрыя Пашкевіча прызналі вінаватым у тым, што ён размясціў на спартовым сайце «Трыбуна» каментар, у якім змяшчалася «падахвочванне да здзяйснення гвалту над на той час міністрам МУС Караевым». У каментары прысутнічалі словы «трэба за***…».
Караеў адзначыў, што расцаніў паведамленне як «пагрозу асабіста мне, міністру МУС».
Суддзя Марына Запаснік асудзіла Дзмітрыя да 4 гадоў хатняй хіміі, а таксама — да прымусовага лячэння: Пашкевіч мае псіхалагічныя асаблівасці, паведамляе spring96.org.