У Навагрудку сямігадовая школьніца пазваніла ў міліцыю і заявіла, што нейкі дзядзька бегае за ёй з нажом
Днямі ў РАУС былой сталіцы ВКЛ паступіў званок. Дзяўчынка з вёскі Ладзенікі паведаміла, што за ёй бегае мужчына з нажом і спрабуе забіць, паведамляе абласная міліцыя.
За 10 хвілін ў вёску выехалі ўсе работнікі інспекцыі па справах непаўналетніх РАУС.
Насамрэч выстветлілася, што дзве другакласніцы вырашылі так пажартаваць. Яны зрабілі тры галасавыя выклікі ў міліцыю і расказалі пра тое, чаго не было.
Спачатку з імі пагутарыла міліцыя, яны свой учынак зразумелі. Цяпер з імі паразмаўляюць і бацькі.