Кіраўнік «Уралкалія» Мазепін пра магчымыя санкцыі супраць «Беларуськалія»: Не жадаю калегам праблем
Пра гэта ўладальнік «Уралхіма» і «Уралкалія» Дзмітрый Мазепін заявіў у інтэрв'ю ТАСС на палях Пецярбургскага міжнароднага эканамічнага форуму.
ТАСС
Мазепін адказаў на пытанне пра магчымасць санкцый супраць экспарту беларускага калію.
«Я разумею, што санкцыі — гэта непрыемная штука. І я б не хацеў зычыць нікому з маіх калегаў па цэху, каб у іх былі праблемы. Я лічу, што свет павінен быць адкрытым. Таму я ўсім сваім калегам па цэху зычу шчасця і росквіту», — адказаў ён.