У беспрацоўнага жыхара Узды скралі чатыры манеты Ethereum (кожная — 8 тысяч рублёЎ). Гэта такая крыптавалюта
У міліцыю з заявай аб крадзяжы звярнуўся 39-гадовы жыхар Уздзенскага раёна. З яго акаўнта на крыптабіржы зніклі 4 манеты Ethereum (кошт кожнай сёння складае каля 8 тысяч рублёў).
Аператыўнікі ўстанавілі, што крадзеж адбыўся без узлому акаўнта і выйшлі на знаёмага пацярпелага — 26-гадовага прадпрымальніка, паведамляе прэс-служба МУС.
Аднавясковец выяўляў цікавасць да крыптавалютаў, і старэйшы прыяцель, як больш дасведчаны ў гэтай сферы, нярэдка яго кансультаваў. Малады чалавек ведаў аб наяўнасці ў апошняга манет Ethereum і неяк папрасіў таго разблакаваць свой тэлефон, каб патэлефанаваць.
Змяніўшы рэквізіты доступу да ўліковага запісу ў мабільным дадатку крыптабіржы, ён увайшоў у акаўнт таварыша і перавёў сродкі на свой.
Распачата крымінальную справу па артыкуле «крадзеж маёмасці шляхам мадыфікацыі камп'ютарнай інфармацыі».