Памёр кампазітар Мікіс Тэадаракіс. Гэта ён прыдумаў легендарную музыку да танца сіртакі
Грэчаскі кампазітар Мікіс Тэадаракіс памёр ва ўзросце 96 гадоў.
«Чалавека, звязанага з найважнейшымі момантамі ў найноўшай гісторыі Грэцыі, вялікага кампазітара і самаадданага змагара [за правы і свабоды людзей] з намі больш няма», — адзначыла агенцтва AMHA.
Менавіта Тэадаракісу належыць аўтарства музыкі да паказанага ў фільме «Грэк Зорба» танца сіртакі.
І сам танец быў створаны спецыяльна для кінакарціны на аснове старадаўняга танца воінаў - хасапіка.
Пасля выхаду на экраны фільма сіртакі сталі самым папулярным грэчаскім танцам у свеце і наогул адным з сімвалаў Грэцыі.