Еўрасаюз прызнаў дзеянні Беларусі з бежанцамі «гібрыднай атакай»
Яе мэта — дэстабілізацыя ЕС, заявіла кіраўніца Еўракамісіі Урсула фон дэр Ляен.
Яе словы перадае Deutsche Welle.
«Рэжым у Мінску выкарыстоўвае чалавечыя жыцці як інструмент для дасягнення сваіх мэтаў. Яны пасадзілі гэтых людзей на самалёты і ў літаральным сэнсе «выпхнулі» да межаў ЕС. Гэтага нельга трываць, і хуткая рэакцыя з боку Еўропы гэта паказала», — цытуе выступ фон дэр Ляен карэспандэнт DW у Брусэлі.
Еўрасаюз мае намер супрацьстаяць гэтым дзеянням Беларусі, працягнуць падтрымку Літвы, Латвіі і Польшчы, якія сутыкнуліся з прытокам бежанцаў.