Шпіцаў з Беларусі не выпусцілі ў Еўрасаюз
Аўтамабіль з пяццю сабакамі спынілі ў пункце пропуску «Бурачкі» на расійска-латвійскай мяжы.
Жывёл везлі з Віцебска ў Нідэрланды, піша reform.by.
Пры праверцы супрацоўнік Рассельгаснагляду усталяваў, што ў адной з сабак не было чыпа. Вываз жывёл быў забаронены.
Месяц таму грамадзянін Германіі спрабаваў вывезці з Беларусі чатырох шчанят шпіцаў у бакавых сценках багажніка, а ў пачатку года нямецкая мытня паведамляла пра два выпадкі кантрабанды шпіцаў з Беларусі.