Беларускае тэлебачанне на Божае Нараджэнне пакажа святочныя набажэнствы з Мінска і Ватыкана
Жывыя трансляцыі калядных набажэнстваў з Мінска і Ватыкана 24 і 25 снежня можна будзе паглядзець па тэлеканалах «Беларусь 1» і «Беларусь 3».
vaticannews.va
На тэлеканале «Беларусь 1» 24 снежня ў 21:45 пачнецца жывая трансляцыя імшы з мінскага Архікафедральнага касцёла Прасвятой Панны Марыі. Узначаліць яе арцыбіскуп-мітрапаліт Мінска-Магілёўскі Юзаф Станеўскі.
Пасля гэтага ў 23:45 у жывым эфіры будзе святочная імша з Ватыкана з удзелам Папы Рымскага Францішка.
25 снежня ў 07:50 на «Беларусь 1» да вернікаў звернецца арцыбіскуп Юзаф Станеўскі, а ў 18:50 у эфіры «Беларусь 3» — Папа Францішак з пасланнем і дабраслаўленнем «Гораду і свету».