У Ляхавічах мужчына ўгнаў аўтобус з аўтастанцыі
Знайшлі аўтобус у Дзяржынску.
Раніцай дыспетчарка Ляхавіцкай аўтастанцыі паведаміла ў міліцыю, што са стаянкі аўтастанцыі знік аўтобус. Па камерах назірання ўдалося высветліць, што апоўначы невядомы хадзіў па паркоўцы, залез у адзін з транспартных сродкаў, які праз некаторы час пачаў рух з адключанымі фарамі.
Аўтобус знайшлі ў Дзяржынску за 120 кіламетраў ад Ляхавічаў, а ўгоншчыка затрымалі. 27-гадовы мужчына растлумачыў, што прыехаў да сябра з Дзяржынска, а пасля той знік. У выніку маладзён позна вечарам вырашыў паехаць дадому, але высветлілася, што першы аўтобус будзе толькі раніцай.
Таму было вырашана адправіцца дадому самому за стырном скрадзенага аўтобуса. Цяпер мужчыну пагражае да 6 гадоў турмы.