Маці 19-гадовай Сафіі Малашэвіч не атрымлівае ніякіх звестак ад дачкі амаль месяц
Маці 19-гадовай Сафіі Малашэвіч, якую асудзілі да 2 гадоў калоніі, страціла з ёй сувязь. 31 снежня дзяўчына даслала канверт з малюнкамi, але Святлана атрымала яго толькi 13 студзеня.
Апошні раз Сафія тэлефанавала дадому 8 студзеня. Тады яна паведаміла, што яе перавялі ў 13 атрад. З таго часу маці не атрымлівае ні адказы на лісты, ні званкі з калоніі. Святлана кажа, што у спецчасцi не адказваюць, дзе знаходзіцца палітзняволеная, а ў санчастцы працуе аўтаадказнік, паведамляюць правааабаронцы.
Сафію затрымалі 6 верасня 2020 года на акцыі пратэсту «Марш адзінства», падчас якой яна балончыкам з фарбай малявала на паверхні шчытоў спецыяльных сродкаў загароджы.
Ёй выставілі абвінавачванне адразу па трох артыкулах Крымінальнага кодэкса: ч.1 арт. 368, ч.1 арт. 342, ч.1 арт. 339. Суд пакараў яе 2 гадамі калоніі.