Google заблакаваў у ЕС ютуб-каналы, звязаныя з RT і Sputnik
Кампанія Google абвясціла пра блакаванне на тэрыторыі Еўрасаюза ютуб-каналаў, звязаных з расійскімі дзяржаўнымі медыя RT і Sputnik.
Рашэнне было прынятае на фоне вайны ва Украіне, паведамляецца ў Твітары еўрапейскага прадстаўніцтва кампаніі.
Напярэдадні аб абмежаванні доступу да RT і Sputnik па ўсім ЕС абвясціла кампанія Meta, якая валодае сацсеткамі Facebook і Instagram. У той жа дзень Twitter пачаў маркіраваць твіты са спасылкамі на расійскія дзяржаўныя СМІ.
Па даных Variety, стрымінгавы сэрвіс Netflix адмовіўся трансляваць 20 расійскіх каналаў.