Лукашэнка: Караць за антываенную пазіцыю нельга. Рэчаіснасць: мінімум 600 чалавек на сутках за акцыі супраць вайны
У інтэрв'ю японскаму тэлеканалу Лукашэнка заявіў, што караць грамадзян, якія выказваюць антываенную пазіцыю, нельга.
«І я хачу, каб хутчэй спыніўся гэты канфлікт. За гэта [антываенную пазіцыю] людзей саджаць нельга, за гэта караць людзей нельга», — яго цытата.
Па звестках «Вясны», толькі 27-28 лютага было затрымана больш за 900 чалавек — 616 з іх адправілі на суткі.
Затрыманні працягваюцца і цяпер. Па словах тых, хто выходзіць з ізалятараў, затрыманых на антываенных акцыях жорстка збіваюць і катуюць: людзей білі дубінкамі і галавой аб аўтазак, ламалі рэбры і залівалі газам.