Віктара Бабарыку ў калоніі змясцілі ў ШІЗА
Па непацверджанай інфармацыі, палітзняволенага Віктара Бабарыку адміністрацыя наваполацкай калоніі змясціла ў штрафны ізалятар на 20 сутак, паведамляе «Вясна».
Раней Бабарыку ў калоніі паставілі на прафулік як асобу, «схільную да захопу закладнікаў, нападу на адміністрацыю і хуліганскіх праяваў», а ў сярэдзіне сакавіка яму была аб'яўленая вымова па надуманых прычынах.