«Стала сумна» — паведаміў пра тэракт
Ад нуды нецвярозы жыхар Гродна паведаміў у газавую службу аб тэракце, паведамляе УУС Гродзенскага аблвыканкама.
«44-гадовы мужчына знаходзіўся ў сябе дома ў стане алкагольнага ап’янення. Грамадзяніну стала сумна і ён патэлефанаваў на лінію 104. Спецыялістам газавай службы ён паведаміў пра тое, што рыхтуецца тэракт і ў доме па вуліцы Пралетарскай закладзенае выбуховае прыстасаванне», — распавялі ў міліцыі.
Пры праверцы дома ніякіх выбухованебяспечных рэчываў выяўлена не было.
Дзеянні грамадзяніна былі кваліфікаваныя па ч. 1 арт. 340 (заведама ілжывае паведамленне аб небяспецы) КК. Санкцыя артыкула прадугледжвае да пяці гадоў пазбаўлення волі.