Кіберпартызаны выклалі размовы сілавікоў раніцай пасля пасадкі самалёта Ryanair і затрымання Пратасевіча
У чарговым зліве перамоваў сілавікоў гучаць імёны канкрэтных асобаў, якія выконвалі задачу па затрыманні Пратасевіча ў аэрапорце. Аўдыязапісы зробленыя раніцай 24 мая 2021 года. У размовах удзельнічаюць Дудчык Сяргей Мікалаевіч са Штаба МУС, Халецкі Віталь Леанідавіч — дзяжурны ГУБАЗіК і Гайко Артур Сяргеевіч — старшы оперупаўнаважаны па АУС ГУБАЗіК.
Гэтыя запісы, як сцвярджаюць «Кіберпартызаны», даказваюць, што затрыманне было спланаванае. Пакуль кадэбэшнікі кіравалі пасадкай самалёта, супрацоўнікі ГУБАЗіКа рыхтаваліся да затрымання.
Для затрымання першапачаткова было сфармавана 2 групы. У адной з іх знаходзілася кіраўніцтва, а другая выязджала непасрэдна на затрыманне.
Пасля затрымання Пратасевіча не адразу адвезлі ў СІЗА, яго цэлую ноч дапытвалі. Артур Гайко раніцай паведамляе Сяргею Дудчыку, што Пратасевіч дагэтуль на допыце.