Мэр Львова заклікаў гараджан загадзя рыхтавацца да цяжкай зімы
У пяціхвілінным звароце Андрэй Садавы распавёў пра тое, што чакае горад пасля надыходу халадоў.
Ён заклікаў «рыхтавацца да сітуацыі, якую цяжка сабе ўявіць». Паводле яго слоў, «дровы ніхто не адмяняў». Садавы паведаміў, што горад закупляе шмат буржуек — «яны адзінае, што застанецца, калі астатняе працаваць не будзе».
Гарадская ўлада таксама прапануе закупляць электрачайнікі на выпадак адключэння газу. А таксама больш электрапрыбораў на батарэйках і сухі спірт.