Украіна запатрабуе ад Расіі рэпарацый на 300 мільярдаў даляраў
Украіна запатрабуе ад РФ у якасці рэпарацый не менш за 300 млрд даляраў, заявіў міністр юстыцыі Дзяніс Малюска ў інтэрв'ю выданням медыягрупы Funke.
На Генасамблеі ААН Кіеў збіраецца дамагчыся прыняцця рэзалюцыі, на якой у далейшым павінна грунтавацца стварэнне міжнароднага механізму кампенсацыі шкоды.
Пры гэтым, паводле яго слоў, сума шкоды, панесеная краінай ад поўнамаштабнага расійскага ўварвання, ацэньваецца значна вышэй, а згаданая сума адпавядае актывам Банка Расіі ў краінах G7, замарожаным у рамках санкцый, піша агенцтва dpa.
Малюська запатрабаваў доступу да гэтых сродкаў, а таксама да замежных актываў расійскіх дзяржпрадпрыемстваў і канфіскаванай уласнасці расійскіх алігархаў.
Нямеччына таксама павінна даць інфармацыю пра тое, колькі расійскіх актываў размешчана ў краіне, дадаў ён.