У АПЛ дэбютаваў 15-гадовы гулец. Гэта рэкорд
Ітан Нванеры з «Арсенала» можа стаць новай зоркай футбола.
На 92-й хвіліне матчу чэмпіянату Англіі з «Брэнтфардам» (3:0) на поле выйшаў паўабаронца Ітан Нванеры.
Нванеры стаў самым маладым гульцом у англійскай прэм'ер-лізе. Яму 15 гадоў і 181 дзень, ён нарадзіўся ў 2007 годзе.
Ітан перасягнуў дасягненне Харві Эліята, які згуляў у АПЛ ў 16 гадоў і 30 дзён.