Чарговы МАЗ згарэў у Санкт-Пецярбургу
Машына беларускай вытворчасці загарэлася каля гадзіны ночы на знешнім кальцы аўтадарогі вакол Санкт-Пецярбурга. Пацярпелых няма.
Гэта ўжо не першы выпадак загарання беларускіх аўтобусаў. Дакладна вядома пра тры папярэднія пажары. Акрамя МАЗаў, у Санкт-Пецярбургу гараць і ЛіАЗы.
Пытанне надзейнасці беларускіх машын абмяркоўваў Лукашэнка з губернатарам Санкт-Пецярбурга Аляксандрам Бягловым. Той запэўніў Лукашэнку, што гэта дробязі, на якія не варта звяртаць увагі.
Верагоднай прычынай інцыдэнтаў з беларускай тэхнікай праверка папярэдне назвала негерметычнасць сістэмы гідрапрывада вентылятара. Віцэ-губернатар Пецярбурга Кірыл Палякоў заяўляў, што новыя партыі аўтобусаў у далейшым будуць правярацца на ўказаны дэфект.