Зяленскі: Вораг не робіць нам падарункаў
Уладзімір Зяленскі 9 лістапада пракаментаваў інфармацыю аб здачы расійскімі войскамі Херсона.
«Можа, гэта гучыць не так, як хтосьці цяпер чакае, можа, не так, як у навінах. Але трэба разумець: ніхто ніадкуль проста так не сыходзіць, калі не адчувае сілы. Вораг не робіць нам падарункаў, не робіць «жэстаў добрай волі». Мы за гэта змагаемся», — заявіў прэзідэнт Украіны.
Ён сказаў, што не будзе раскрываць дэталі аперацый украінскіх войскаў: «Калі будзе вынік, то абавязкова кожны гэта ўбачыць».