Вядучы, чый дом быў знішчаны падчас вайны, расплакаўся ў жывым эфіры падчас усеўкраінскай радыёдыктоўкі ВІДЭА
Прапанаваны для дыктоўкі тэкст называўся «Мой дом» і быў напісаны рэжысёркай і пісьменніцай Ірынай Цылык. У ім гаварылася аб родным доме, які, нягледзячы на абстрэлы, ператвараецца ў сапраўдную крэпасць для яго жыхароў.
Агучвалі радыёдыктант вядучы Раман Каляда і актрыса Ада Рогаўцава.
«Я яшчэ пратрымаюся 20 хвілін, а потым пайду параву», — з заплаканымі вачыма заявіў Каляда пасля таго, як Рогаўцава скончыла чытаць тэкст.
Аказалася, што ўласны дом вядучага разбурылі расійскія акупанты і цяпер ён выглядае так, як гаворыцца ў тэксце.