За хабар у Бабруйску затрымалі намесніка дырэктара буйнога завода
Аператыўнікі АБЭЗ з доказамі злачынства пры атрыманні хабару затрымалі намесніка дырэктара аднаго з буйных заводаў Бабруйска.
Вядома, што 40-гадовы мужчына з кастрычніка мінулага года рэгулярна атрымліваў грошы ад кіраўніка камерцыйнай арганізацыі за спрыяльнае вырашэнне пытанняў, звязаных з аплатай раней пастаўленых камплектуючых для вытворчасці.
Агульная сума перададзенага за названы перыяд склала 41 тысячу рублёў.
Следчымі ў дачыненні да двух чалавек распачатыя крымінальныя справы, паведамляе прэс-служба МУС.