Ва Украіне арыштавалі былога намесніка міністра абароны Вячаслава Шапавалава
2.02.2023 / 17:8
Рашэнне аб арышце на два месяцы прыняў Пячэрскі раённы суд Кіева. Шапавалаў можа выйсці на волю пад заклад у памеры больш за 400 мільёнаў грыўняў (10,8 мільёна даляраў).
Па даных следства, Шапавалаў лабіраваў заключэнне дамоў аб пастаўках прадуктаў для вайскоўцаў па завышаных цэнах, а таксама закупак бронекамізэлек, касак, адзення і іншых рэчаў для патрэб Узброеных сіл Украіны нізкай якасці на агульную суму больш за 1 млрд грыўняў.
Пасля з’яўлення журналісцкага расследавання аб закупках для УСУ Шапавалаў сышоў у адстаўку.