Двое беларусаў загінулі ў ДТЗ у Польшчы
Двое беларусаў загінулі ў выніку буйной аварыі, якая адбылася недалёка ад Бельска-Падляскага пад Кадлубаўкай. Аўтобус сутыкнуўся з легкавым аўтамабілем лоб у лоб: вядома пра трох загінулых. Пра інцыдэнт паведамляе ваяводскае пажарнае ўпраўленне ў Варшаве, піша «Мост».
Аварыя адбылася раніцай 27 лютага. Аўтобус і легкавы аўтамабіль Citroen сутыкнуліся лоб у лоб, пасля чаго легкавік перакуліўся ў кювет. У Citroen знаходзіліся пяцёра пасажыраў: двое загінулі на месцы, а траіх з цяжкімі траўмамі шпіталізавалі. У аўтобусе знаходзіўся кіроўца і адзін пасажыр, але яны не пацярпелі ў ДТЗ.
На месцы аварыі загінулі двое чалавек: адзін з іх — 55-гадовы жыхар Падляшскага ваяводства, які знаходзіўся за рулём, іншы — 28-гадовы беларус. 28 лютага ў шпіталі памёр 28-гадовы грамадзянін Беларусі. Вядома, што ў бальніцы знаходзяцца яшчэ двое мужчын.
У аперацыі ўдзельнічаў верталёт хуткай дапамогі, пажарныя і паліцэйскія. Дарога, на якой адбылася аварыя, была заблакаваная больш за сем гадзін.