Украінскія войскі перайшлі ў наступ на паўднёваданецкім напрамку

Расійскі ваенкар Рыбар паведамляе, што 4 чэрвеня на мяжы Запарожскай і Данецкай абласцей некалькі штурмавых груп УСУ пачалі атаку ў раёне Урэмеўскага выступу на Навадараўку і Раўнопаль, а таксама Няскучнае і Благадатнае.

Паведамляецца, што УСУ змаглі выцесніць расійскія падраздзяленні з некалькіх апорных пунктаў, уклініўшыся на адлегласць ад 500 метраў да 3 кіламетраў ля Раўнопаля і Няскучнага.

Ваенкар таксама дадае, што цяпер расійскія артылерысты, разлікі супрацьтанкавых ракетных комплексаў і мінамётаў, а таксама авіяцыя вядуць агонь па УСУ.

Незадоўга да з'яўлення гэтай інфармацыі намесніца міністра абароны Украіны Ганна Маляр апублікавала відэа, імаверна, пра пачатак контрнаступу УСУ з подпісам: «Планы любяць цішыню. Аб'явы пра пачатак не будзе».

Чытайце таксама:

У Белгародскай вобласці РДК узяў у палон расійскіх вайскоўцаў і прапануе губернатару перамовы

Страты УСУ ў Бахмуце ў сем з паловай разоў меншыя, чым у расіян — Данілаў

Польскі добраахвотніцкі корпус браў удзел у аперацыі ў Белгародскай вобласці — СМІ

Каментары да артыкула