Золатавалютныя рэзервы за май крыху знізіліся
Яны ўпалі на 96 мільёнаў даляраў і цяпер складаюць 7 млрд 872 мільёны даляраў, як паведамляе Нацбанк.
У красавіку таксама было зніжэнне — на 130 мільёнаў даляраў.
Цяпер Нацбанк не раскрывае, якім чынам растуць ці змяншаюцца рэзервы. Ужо амаль год гэтая статыстыка засакрэчаная.
Згодна з планамі, на канец года ЗВР павінны складаць не менш за 6 мільярдаў даляраў.