Фігурантаў «справы АГСБ» прызналі палітвязнямі
Праваабаронцы прызналі палітзняволенымі пяць фігурантаў справы атрадаў грамадзянскай самаабароны Беларусі: Кірыла Ашурка, Аляксея Глотава, Вадзіма Гулевіча, Наталлю Мацвееву і Дзмітрыя Сасноўскага.
Фота: БелТА
Гулевіч, Ашурак і Глотаў былі затрыманыя па справе аб падрыве вузла сувязі ў Вілейцы, Мацвеева — па справе аб спробе знішчыць лесанарыхтоўчую тэхніку ў лясгасах, Сасноўскі — па справе аб замаху на Рыгора Азаронка.
Наталля Мацвеева атрымала 14 гадоў калоніі, Вадзім Гулевіч — 18 гадоў, Кірыл Ашурак — 13 гадоў, Аляксей Глотаў і Дзмітрый Сасноўскі — па 20 гадоў.
Цяпер, паводле падлікаў праваабаронцаў, у Беларусі 1493 палітвязні, але рэальна іх значна болей.