Другі энергаблок БелАЭС зноў уключылі ў сетку
З 10 чэрвеня на ім праводзіліся выпрабаванні.
14 чэрвеня ў 11:17 другі энергаблок Беларускай атамнай электрастанцыі ўключылі ў сетку пасля завяршэння планавых выпрабаванняў рэактарнай устаноўкі, пра гэта паведамляе Мінэнерга.
Цяпер ідзе паэтапны набор магутнасці для далейшай доследна-прамысловай эксплуатацыі.
З 10 чэрвеня на энергаблоку праводзіліся даследаванні нейтронна-фізічных характарыстык актыўнай зоны рэактара блока са зніжэннем яго магутнасці да мінімальна кантраляванага ўзроўню з адключэннем ад сеткі.