У Касцюковічах патануў мужчына, які паплыў за надзіманым кругам дачкі. Людзі крычалі, каб не плыў
Трагедыя здарылася ўчора вечарам на возеры Баравец.
Фота: МНС
У 18:49 ратавальнікі прыбылі да месца выкліку: на паверхні вады ўжо нікога не было.
У 21:52 вадалазы за 20 метраў ад берага на глыбіні каля 3 метраў без прыкмет жыцця дасталі 49-гадовага мужчыну.
Са слоў відавочцаў, дачка патанулага, знаходзячыся на беразе, выпусціла ў ваду дзіцячы круг для плавання. Бацька паплыў за кругам. Калі ён адплыў прыкладна на 50 метраў ад берага, людзі пачалі крычаць, каб ён вяртаўся, аднак мужчына не паслухаў разумныя парады і праз 100 метраў ад берага пачаў тануць.
Відавочцы выклікалі ратавальнікаў, але было ўжо занадта позна, як піша МНС.
Чытайце таксама:
У Паставах патанула 15-гадовая дзяўчынка
У Магілёве дзеці каталіся на плыце — дзевяцігадовы хлопчык патануў
15-гадовую рэчыцкую школьніцу, якую шукалі некалькі дзён, знайшлі мёртвай