У верасні беларусы больш прадалі валюты, чым купілі
У верасні фізічныя асобы ў краіне заставаліся чыстымі прадаўцамі замежнай валюты. Па выніках месяца яны прадалі на $76,2 млн больш, чым купілі. Пра гэта сведчаць статыстычныя звесткі Нацыянальнага банка, піша БелТА.
Фота: «Наша Ніва»
Агульны аб'ём набытай фізічнымі асобамі наяўнай і безнаяўнай замежнай валюты ў верасні склаў $765,1 млн, прададзенай — $841,3 млн. У цэлым за студзень — верасень продаж фізічнымі асобамі наяўнай і безнаяўнай замежнай валюты перавысіла яе куплю на $499,6 млн.
Суб'екты гаспадарання — рэзідэнты Беларусі ў верасні выступілі ў ролі чыстых пакупнікоў замежнай валюты.
Прадпрыемствы купілі на $255,9 млн валюты ў эквіваленце больш, чым прадалі. Агульны аб'ём набытай юрасобамі замежнай валюты ў верасні склаў $1,987 млрд, прададзенай — $1,731 млрд.
За студзень — верасень купля юрыдычнымі асобамі замежнай валюты перавысіла яе продаж на $824,1 млн.