Выбух на шахце ў Карагандзе: загінулі 32 чалавекі, вядзецца пошук 14 шахцёраў
абноўлена
Усяго ў момант аварыі ў шахце імя Кастэнкі знаходзіліся 252 чалавекі, на паверхню вывелі 205 работнікаў.
Фота: tengrinews.kz
На вуглездабыўнай шахце імя Кастэнкі ў Карагандзе (Казахстан) адбыўся выбух метану, загінулі 32 гарнякі, яшчэ 18 шпіталізаваныя. Усяго ў момант аварыі ў шахце знаходзіліся 252 чалавекі, на паверхню вывелі 205 шахцёраў, піша tengrinews.kz.
Вядзецца пошук 14 чалавек.
Да шахты прыбылі акім (губернатар) Карагандзінскай вобласці Ермаганбет Булекпаеў, першы намеснік генпракурора Казахстана, абласны пракурор і спецыяльныя праваахоўныя органы.
На месцы працуюць 40 ратавальнікаў, 10 адзінак тэхнікі і тры псіхолагі.