Бягуха Аліна Талай завяршыла кар'еру
23.11.2023 / 20:46
34-гадовая беларуская лёгкаатлетка Аліна Талай аб'явіла аб заканчэнні спартыўнай кар'еры, паведаміла «Трыбуна».
У сваім інстаграм-акаўнце Талай расказала, што пачне займацца трэнерскай дзейнасцю.
Талай з'яўляецца прызёркай чэмпіянатаў свету і Еўропы ў бар'ерным бегу. Апошнія гады спартсменку пераследавалі траўмы.
Грамадская пазіцыя Аліны Талай была неадназначнай. Так, у 2013-м яна, знаходзячыся на піку сваёй кар'еры, дала інтэрв'ю «Прессболу», дзе разважала пра беларускія сцягі. Лёгкаатлетка казала, што вырасла пад чырвона-зялёным сцягам, і адзначала, што ён ёй падабаецца, калі падымаецца пасля перамог.
«Але ўсё ж такі давайце не будзем падманваць адзін аднаго: наш колер — бел-чырвона-белы», — заявіла яна тады.
Да таго ж Талай выказалася ў падтрымку беларускай мовы, назваўшы яе роднай і прызнаўшыся, што хоць размаўляла на ёй апошні раз у школе, не супраць была б мець практыку зносін.
У той жа час у жніўні 2020-га, калі многія вядомыя спартоўцы выказаліся на тэму жорсткага гвалту, учыненага рэжымам Лукашэнкі, чакалі нейкай рэакцыі і ад Талай, але яе не было.
Чытайце таксама:
Экс-трэнер беларускай лучніцы: Карына мусіла трэніравацца 40 гадзінаў на тыдзень
Муж Ціманоўскай — пра характар жонкі, расставанні з ёю, ад’езд з Беларусі і заробкі
Дык ці паедзе Недасекаў на Алімпіяду? Вось чаго чакаць ад аслаблення спартовага бану