У Мінску 18-гадовая дзяўчына ўпала на казырок будынка
Інцыдэнт адбыўся ўчора па адрасе Мястроўская, 4.
Скрыншот відэа МНС
Работнікі МНС аказалі дапамогу 18-гадовай дзяўчыне, якая выпала з акна на казырок пад'езда, паведамляе МНС у сваім тэлеграм-канале.
Па прыбыцці ратавальнікаў дзяўчына знаходзілася ў прытомнасці. Яна сказала, што ўпала з 4-га паверха незадымляльнай лесвічнай клеткі.
З відэа, якое распаўсюдзіла Міністэрства надзвычайных сітуацый, відаць, што дзяўчыне балюча. «Трэба пацярпець, трэба пацярпець», — кажа ёй адзін з ратавальнікаў.
Работнікі МНС транспартавалі яе на насілках у машыну хуткай дапамогі.
Пасля агляду медыкамі з траўмамі рознай ступені цяжкасці дзяўчыну шпіталізавалі.